RIWAYAT HIDUP/JUJUR NGOLU NI DAMANG NAUNG MARUJUNG NGOLUON

RIWAYAT HIDUP/JUJUR NGOLU

NI DAMANG NAUNG MARUJUNG NGOLUON

St.Gr.Haider Gultom (Op.Beresman Doli )

Tubu ma damang on tanggal 18-juni-1941 di huta Batunadua. Dibaen ma goar ni damang nami on :

Haider Gultom, ia damang nami on ima pinompar ni ompung nami nahinan; Marakamin Gultom dohot ompung boru nami Abina br.Pakpahan (Op.Tiur).

Ia pinompar ni oppung nami nahinan ima :

1. Namboru nami Leteria Br.Gultom marhasohotan tu amangboru nami st.k.simatupang (op.dian )

2.Namboru nami Nurijah br.Gultom marhasohotan tu amangboru nami nahinan st.M.Sinaga (Op.Jerni)

3. Namboru nami Nur royan br.Gultom marhasohotan tu amangboru nami nahinan st.M.Tambunan (Op.Arta)

4. Namboru nami Tihari Br.Gultom marhasohotan tu amangboru nami nahinan A.Tambunan Nahinan (Op.Rotua)

5. Tambun Gultom nahinan mangalap boru ni rajai E.Tambunan (Op.David) sian huta pulo pakpahan, tinggalna di Jakarta

6. Jadi tubu na si nomor 6 ima ama nami Haider Gultom ima amang naung jomolo monding on ,mangalap dainang boru ni rajai T. br.Harianja (Op.Beresman) sian huta lumban pangaribuan parsibarungan, tinggalna di Batunadua

7. Marisi Gultom tinggal di Medan

Pendidikan Ni Damang Nami On :

Tamat ma damang on sian Sekolah Rakyat(SR) tahun 1956 di Batunadua, melanjut ma muse tu sikkola SGB di huta pulo laos sekaligus manoppang tu SMP ditammathon damang on ma taon 1960

Melanjut ma muse tu sikkola SGA, di tammathon damang on mai di taon 1962.

Tanggal 11 agustus 1968 marhasohotan ma damangon tu dainang nami T. Br harianja boru ni rajai sian huta Harianja. Di basa-basa hon tuhanta do Anak dohot Boru :

1. Arlebbis Gultom (Bapak Beresman) mangalap boru ni rajai E.br Marbun,spd sian Dolok Sanggul, dakdanak di nasida 3 baoa dohot 1 boru

2. Torkis Gultom,SS (Bapak Jona) mangalap boru ni raja i L.Br Harianja Sian Huta Lumban Pangaribuan Parsibarungan , dakdanak di nasida 2 baoa

3. Ramot Gultom,SE (Bapak Miranda) mangalap boru ni rajai Sipayung sian Medan,dakdanak di nasida 1 boru

4. Lomak Mareden Gultom,ST mangalap boru ni rajai Siahaan sian huta Siborong-borong,laos managam haroan tubu ni anak dohot boru di nasida,tinggal di Medan

5. Samuel Wilbert Gultom,ST dang marhasohotan

dope,tinggalna di medan

6. Ruth Berliana Br.Gultom dang marhamulian

dope,tinggal di medan

7. Hosea Dodi Fernando,Amd dang marhasohotan

dope,tinggal di Medan

8. Vasko Edo Minter Gultom, dang marhasohotan

dope,tinggalna di Medan

9. Maria Ayu Br.Gultom marhamulian tu lae nami

Sormin, dibasa-basahon Tuhanta 2 dakdanak

baoa,tinggal nasida di Jambi

Jadi pungu ma pinompar ni Damang on :

Anak 7,Boru 2,Parumaen 4,Hela 1,Pahomppu sian Anak 7,Pahomppu sian Boru 2.jadi pungu ma sude pinompar ni Damang on 23 halak.

Taon 1980 Damang nami on masuk ma gabe sada Guru Pegawai Negeri di SD Negeri Inpres Pancurbatu Rahut Bosi, pindah ma Damang on muse gabe guru di SD Negeri Batunadua taon 1998. Jala pensiun ma Damang on sian Guru PNS taon 2001.

Ia Damang nami on masuk gabe sada Pangula Di Huria HKI Batunadua, jala gabe VOORHANGER ma damang on mulai taon 1995 sahat tu na pensiun taon 2000 di HKI Batunadua

Amang Raja dohot Inang Soripada di taon 2007 kesehatan ni Damang on menurun do jala huboan hami Ama nami on tu medan laho mandalathon perawatan kesehatan na.jala di taon 2009 bulan Juni menjalani perawatan intensif ma Damang on di Rumah Sakit Gleni sahat tu bulan Juni 2009 ima ditanggal 28 Juni ari Minggu.jadi sumehat ma dihilala Ama nami on, huboan Hami ma tu Jabu mulak alai na di ari senin tanggal 29 juni 2009 manang marsogot jam 12 siang menurun ma muse kesehatan ni Bapak nami on, jala di pangido roha ni damang on ma asa di patupa marulaon na badia jadi sahat do pangidoan na i di patupa ma I marhite na poso ni Tuhan ta Pdt. H Simangunsong pendeta HKI Resort Khusus Medan kota, jala denggan do di jalo ama na mi on ulaon I di bagasan unduk dohot serep ni roha, dungi dung di jalo ulaon na badia I lam manurun ma kesehatan ni ama na mi I on jadi huboan hami ma muse tu rumah sakit Gleni Internasional.

*Amang Raja Dohot Inang Soripada Tanggal 4 Juli 2009 huboan Hami ma muse Damang na huhaholongi hami on muse tu Rumah Sakit Martha Friska menjalani perawatan intensif selama 2 bulan leleng na.sai lam menurun do anggo kesehaton ni Damang on ima di bulan agustus sahat tu bulan September .

*Dungi ditanggal 15 september 2009,huboan hami ma muse Damang nami on tu RUMKIT Putri Hijau, sai lam gale ma pardagingon ni Damang on. Dang sakkap ni jolma na saut hape ikkon sakkap ni Tuhanta do tu ganup hita Jolma, dialap Tuhanta ma Damang on marujung ngolu di tanggal 19 September 2009,

pukul 00.20 WIB. Dung rippun pungu Hami Pomparanna manangianghon Amanami on.

Tung mansai godang do poda dohot hata nauli na denggan na dipasahat Damang nauli lagu on tu Hami Pinomparna. Benget situtu do Damang on di tingki parsahitonna. Marbinege ma Amanta DEBATA Namartua anggiat ditangihon tamiang dohot pangidoan ni Ama Nami on, asa tung anggiat sahat pasu-pasu tu hami pinomparna maninggalhon tua dohot sangap.

Songoni do riwayat hidup manang Jujur Ngolu ni Damang Na Huhaholongi Hami On, anggiat ma di pinaninggalhon ni Damang di Hami Pinompar na mandapot pasu-pasu na sian Tuhanta Pardenggan Basa i, marhite-hite hata poda nauli na denggan naung pinasahat ni Damang Nami on. Sai Anggiat ma damang on dijalo Tuhan Pardenggan Basa I Di Lombung Na Ima Surgo Hasonangan Saleleng Ni Leleng Na.

Molo pe di tingki parngoluan ni Damang Nami on adong pambahenan na hurang tu angka Amang dohot Inang Soripada, Hami Sian Pomparanna mangido maaf ma tu hamu Amang Dohot Inang Soripada, nang songoni do molo pe tung adong utang piutang ni Damang nami on tu Damang Dohot Inang Soripada, rade do hami manggarar dohot manjalosa.

Sai tuhanta Debata Na Martua ma mangaramoti hita saluhutna

Selamat jalan ma di Damang,anggiat ma di jalo Tuhanta damang di lombungna tu surgo hasonangan saleleng ni leleng nai.

*MAULIATE*

glitter-graphics.com